Նյու Յորքի քաղաքապետը արտակարգ դրություն է հայտարարել ձնաբքի պատճառով
Նյու Յորքում սպասվող ուժեղ ձնաբքի պատճառով քաղաքապետ Զոհրան Մամդանին իր X սոցիալական հարթակում հայտարարել է արտակարգ դրություն։
Որոշման համաձայն՝ փետրվարի 22-ի երեկոյանից մինչև փետրվարի 23-ի կեսօր մայրուղիները փակ կլինեն երթևեկության համար, դպրոցները կդադարեցնեն աշխատանքը, իսկ քաղաքում կգործարկվեն տաքացման հատուկ կենտրոններ բնակչության անվտանգության ապահովման նպատակով։
Ազգային օդերևութաբանական ծառայության կանխատեսումների համաձայն՝ քաղաքում հնարավոր է մոտ 18 դյույմ տեղումներ, իսկ քամու պոռթկումները կարող են գերազանցել 80 մղոն/ժամը (մոտ 26 մ/վրկ)՝ ստեղծելով վտանգավոր պայմաններ։
