Կոմիտասի պողոտայում լայնածավալ հիմնանորոգում է իրականացվում. Տիգրան Ավինյան

Երևանի քաղաքապետ Տիգրան Ավինյանը հայտնել է, որ Կոմիտասի պողոտայում իրականացվում են լայնածավալ բարեկարգման աշխատանքներ․ նախագծի շրջանակում հիմնանորոգվում են բոլոր մայթերը, էլեկտրական լարերը տեղափոխվում են գետնի տակ, իսկ կենսունակությունը կորցրած ծառերը փոխարինվում են նոր տնկարկներով։

Քաղաքապետը նաև ընդգծել է, որ տարածքի հողային հատվածները պետք է ունենան հստակ և կանոնակարգված լուծումներ։ «Եթե հողային շերտը չափազանց ազատ է մնում և թփային ձևավորում չի նախատեսվում, ես դրան դեմ եմ։ Սակայն եթե ապահովվում է համապատասխան տրամաբանություն և նորմատիվային անցում, խնդիր չեմ տեսնում, և այդ հատվածը կարելի է ամբողջությամբ արտապատվիրակել», — նշել է նա։