Գյումրին ձեզ համար խոպան չէ, գյումրեցին էլ առաջվա «միամիտը» չէ»․ Մինասյան

Գյումրու ավագանու «Քաղաքացիական պայմանագիր» խմբակցության ղեկավար Սարիկ Մինասյանը «Ֆեյսբուք»-ի իր էջում անդրադարձել է Սամվել Կարապետյանի թիմակիցների կողմից ՀՀ երկրորդ քաղաք Գյումրին գյուղ անվանելուն:

«Ակնհայտ է, որ Գյումրի գործուղված գաստրալյորներն արդարանալու են, թե լեզվի սայթաքում են ունեցել՝ Գյումրին անվանելով «գյուղ», բայց համոզված եմ՝ դա իրենց ենթագիտակցության մեջ դաջված է: Ապացույցն իրենց տերերի վերաբերմունքն է ՀԷՑ-ի միջոցով Գյումրուն ու գյումրեցուն:

Փտած 50-ամյա փայտյա հենասյուներ, կիսախարխուլ ենթակայաններ, բարոյապես և տեխնիկապես մաշված սարքավորումներ, 50-ականների ավտոպարկ, 60-ականների անցակետ, 70-ականների սանհանգույց։

Գյումրին ձեզ համար խոպան չէ, գյումրեցին էլ առաջվա «միամիտը» չէ»»,- գրել է Մինասյանը: