Աշխարհը ներքաշվում է խելահեղ միջուկային սպառազինությունների մրցավազքի մեջ․ Լուկաշենկո
Աշխարհը ներքաշվում է սպառազինությունների, այդ թվում՝ միջուկային զինատեսակների նոր մրցավազքի մեջ, և անհրաժեշտ է անել ամեն ինչ՝ նոր համաշխարհային բախում թույլ չտալու համար։ Այս մասին հայտարարել է Բելառուսի նախագահ Ալեքսանդր Լուկաշենկոն։
«Բելտա» գործակալության փոխանցմամբ՝ հայտարարությունը հնչել է Մինսկում՝ Անկախության պալատում կայացած պետական պարգևների և ուժային կառույցների բարձրաստիճան սպաներին գեներալական ուսադիրներ հանձնելու հանդիսավոր արարողության ընթացքում։
Իր ելույթում Լուկաշենկոն հիշեցրել է, որ այս տարի լրանում է Հայրենական մեծ պատերազմի մեկնարկի 85-րդ տարելիցը՝ նշելով, որ այն ժամանակ երկիրը բախվեց ծանր փորձության, որը ԽՍՀՄ ժողովուրդները հաղթահարեցին մեծ կորուստների գնով։
Բելառուսի նախագահը շեշտել է, որ պատմության դասերը պետք է հաշվի առնել ներկայիս միջազգային իրավիճակում։
