Ամերիկացի լրագրող Թաքեր Քարլսոնին հարցազրույցից հետո ձերբակալել են․ Daily Mail

Ամերիկացի լրագրող Թաքեր Քարլսոնը հայտարարել է, որ Իսրայել կատարած այցի ընթացքում իրեն կանգնեցրել են օդանավակայանում՝ ԱՄՆ դեսպան Մայք Հաքաբիի հետ հարցազրույցից հետո։ Նրա խոսքով՝ միջադեպը տեղի է ունեցել Թել Ավիվում։

Daily Mail-ի փոխանցմամբ՝ Քարլսոնը ժամանել էր Իսրայել՝ անձամբ հանդիպելու Հաքաբիին՝ նրանց միջև առցանց բանավեճից հետո։ Լրագրողը նշել է, որ օդանավակայանում տղամարդիկ, ովքեր ներկայացել են որպես անվտանգության ծառայության աշխատակիցներ, վերցրել են իրենց անձնագրերը, առանձնացրել գործադիր պրոդյուսերին և հետաքրքրվել հարցազրույցի բովանդակությամբ։

Քարլսոնի խոսքով՝ որոշ ժամանակ անց իրեն թույլ են տվել լքել երկիրը։ Միաժամանակ ԱՄՆ դեսպանատունը Իսրայելում հերքել է լրագրողի հայտարարությունը՝ նշելով, որ նրա ձերբակալության մասին տեղեկությունները չեն համապատասխանում իրականությանը։