Ծափաթաղում սպանված Տիգրանի քրոջն ու եղբայրներին վերադարձրել են ընտանիք
Սպանված 3–ամյա Տիգրանի քույրը և եղբայրները վերադարձել են իրենց մայրիկի մոտ։ Այս մասին լրատվամիջոցներին հայտնել են Առողջապահության և սոցիալական հարցերի վարչությունից։
Նշվում է նաև, որ գումար է հատկացվել ընտանիքին, բայց լինելու են իրենց հսկողության ներքո: Երեխաներն արդեն դպրոց են հաճախում։
Հիշեցնենք, որ նախորդ տարվա նոյեմբերի 2-ին, Ծափաթաղի հարակից դաշտամիջյան հատվածում հայտնաբերվել էր 3-ամյա Տիգրանի դին։ Պարզվել էր, որ երեխային սպանել է հայրը:
