Սա աղետալի կլինի ամերիկյան ժողովրդի համար․ Վենս
Վաշինգտոնը Մերձավոր Արևելքում միջուկային զենքի տարածման կանխումը դիտարկում է որպես առաջնահերթ ուղղություն, քանի որ Թեհրանի կողմից միջուկային ռումբի ձեռքբերումը կարող է տարածաշրջանում առաջացնել անվերահսկելի սպառազինությունների մրցավազք։ Այս մասին Fox News-ին տված հարցազրույցում հայտարարել է ԱՄՆ փոխնախագահ Ջեյմս Դեյվիդ Վենսը։
«Միացյալ Նահանգներն ունի որոշակի կարմիր գծեր։ Մեր հիմնական շահագրգռվածությունն այստեղ Իրանի կողմից միջուկային զենքի ձեռքբերումը կանխելն է։ Մենք չենք ուզում, որ միջուկային զենքը տարածվի։
Եթե Իրանը միջուկային զենք ձեռք բերի, ապա կլինեն բազմաթիվ կողմեր՝ որոշները բարեկամական, իսկ որոշները՝ ոչ այնքան բարեկամական, որոնք կցանկանան միջուկային զենք ձեռք բերել։ Սա աղետալի կլինի ամերիկյան ժողովրդի համար», - նշել է Վենսը։
