«Ես սա առաջին անգամ եմ ասում». Թրամփը խոստացել է լավ լուրեր Ուկրաինայում խաղաղ կարգավորման վերաբերյալ
ԱՄՆ նախագահ Դոնալդ Թրամփը խոստացել է լավ լուրեր Ուկրաինայում պատերազմի խաղաղ կարգավորման վերաբերյալ։ Նա ասել է, որ սա առաջին անգամն է, որ հիշատակում է այդ մասին։ Ըստ RBC-Ukraine-ի, ԱՄՆ նախագահը այս հայտարարությունն արել է Սպիտակ տանը կայացած հանդիպման ժամանակ։
«Մենք շատ բան ունենք անելու: Կարծում եմ՝ մենք շատ լավ ենք գործում Ուկրաինայի և Ռուսաստանի հետ։ Ես սա առաջին անգամ եմ ասում։ Գիտեք, կարծում եմ՝ մենք կարող ենք լավ լուրեր ունենալ», - ասել է Սպիտակ տան ղեկավարը։
Նա նաև խոսել է Ռուսաստան-Ուկրաինա պատերազմում մարդկային կորուստների մասին։
«Մենք ամսական կորցնում ենք 25.000 մարդ, ովքեր մահացել են այս պատերազմում։ Անցյալ ամիս այդ թիվը 31.000 էր», - ասել է Թրամփը։
Այնուամենայնիվ, Սպիտակ տան ղեկավարը նաև կրկնել է, որ ԱՄՆ-ն գումար չի ծախսում Ուկրաինայում պատերազմի վրա, ի տարբերություն իր նախորդի՝ Ջո Բոյդենի։
