Մոսկվան դեմ է Կուբայի վրա տնտեսական և ռազմական ճնշմանը․ Լավրով
Ռուսաստանի արտաքին գործերի նախարար Սերգեյ Լավրովը Կուբայի արտաքին գործերի նախարար Բրունո Ռոդրիգես Պարիլյայի հետ հեռախոսազրույցում վերահաստատել է Կուբայի վրա տնտեսական և ռազմական ճնշման անընդունելիությունը, հայտարարել է Ռուսաստանի արտաքին գործերի նախարարությունը։
«Ռուսական կողմը վերահաստատել է իր սկզբունքային դիրքորոշումը Կուբայի վրա տնտեսական և ռազմական ճնշման անընդունելիության վերաբերյալ, այդ թվում՝ կղզու էներգամատակարարման խոչընդոտման վերաբերյալ, որը սպառնում է լրջորեն վատթարացնել երկրի տնտեսական և մարդասիրական իրավիճակը։ Արտահայտվել է Կուբային անհրաժեշտ քաղաքական և նյութական աջակցություն ցուցաբերելու շարունակական վճռականություն», - ասվում է նախարարության կայքում տեղադրված հայտարարության մեջ։
