Ձմեռային զորակոչի ժամկետը երկարաձգվել է
ՀՀ կառավարությունը այսօրվա նիստում որոշում է ընդունել 2025 թ. ձմեռային զորակոչի անցկացման ժամկետը երկարաձգելու վերաբերյալ։ Ըստ դրա՝ զորակոչը, որը նախատեսված էր մինչև հունվարի 31-ը, կշարունակվի մինչև 2026 թ. փետրվարի 13-ը ներառյալ։
Որոշման հիմնավորման մեջ նշվում է, որ այն պայմանավորված է 2025 թ. ձմեռային զորակոչի շրջանակում զորակոչի ենթակա քաղաքացիների առողջական վիճակի հետազոտման գործընթացը ավարտին հասցնելու և դրա արդյունքներով նրանց զորակոչի կարգավիճակը հստակեցնելու անհրաժեշտությամբ։
ՀՀ պաշտպանության նախարարության տեղեկացմամբ՝ այս կերպ կբացառվեն 2025 թ. ձմեռային զորակոչին ենթակա քաղաքացիներին անհարկի տարկետումներ տրամադրելու կամ նրանց բժշկական փորձաքննությունը 2026 թ. ամառային զորակոչ տեղափոխելու դեպքերը։
