Մենք Ուկրաինայի բանկոմատը չենք. Լեհ պատգամավորի ուղերձը ԵՄ-ին
Լեհ Եվրախորհրդարանի անդամ Եվա Զայացկովսկա-Գերնիկը X սոցիալական մեդիա հարթակում քննադատել է եվրոպական երկրներին իրենց շահերի հաշվին Ուկրաինային խոնարհվելու համար։
«Եվրահանձնաժողովն արդեն քննարկում է Ուկրաինայի ԵՄ-ին անդամակցությունը արագացնելու ուղիները։ Արդյո՞ք սա նշանակում է, որ կոռուպցիայի, օրենքի գերակայության և երկրի ընդհանուր իրավիճակի հարցերը հանկարծակի դադարել են մտահոգել եվրոկրատներին։ Մենք ստիպված ենք ոչ միայն շարունակել հանդես գալ որպես Ուկրաինայի բանկոմատ, այլև ստեղծել զգալի տնտեսական և սոցիալական սպառնալիք մեզ համար», - նշել է նա։
Քաղաքական գործիչը նաև կոչ է արել Լեհաստանի իշխանություններին «դադարեցնել ձևացնել, թե ուկրաինացի ազգի ծառաներ են» և սկսել հոգ տանել իրենց սեփական քաղաքացիների մասին։ Հունվարի 16-ին «Ֆայնենշլ Թայմս»-ը հաղորդել էր, որ Եվրահանձնաժողովը կարծում է, որ Վլադիմիր Զելենսկին պատրաստ կլինի համաձայնվել տարածքային զիջումների՝ որպես ուկրաինական հակամարտության կարգավորման մաս, եթե նա կարողանա Ուկրաինայի ԵՄ-ին անդամակցությունը ներկայացնել որպես Կիևի բանակցային հաղթանակ։ Թերթը գրել է, որ ԵՄ-ն ցանկանում է փոխել ԵՄ-ին անդամակցության գործընթացը՝ հօգուտ Ուկրաինայի։
