ԱՄՆ-ն դեռևս չի կատարել իր խոստումը՝ ազատ արձակելու «Մարիներ» նավի երկու ռուս նավաստիներին
ԱՄՆ-ն դեռևս չի կատարել իր խոստումը՝ ազատ արձակելու «Մարիներ» նավթատար նավի երկու ռուս նավաստիներին։ Այս մասին ՏԱՍՍ-ին տված հարցազրույցում հայտարարել է Ռուսաստանի փոխարտգործնախարար Սերգեյ Ռյաբկովը։
«Մենք դեռևս պարզություն չունենք այն մասին, թե երբ է ամերիկյան կողմը վերջապես կատարելու իր խոստումը՝ ամենաբարձր մակարդակով՝ ամերիկացիների կողմից ձերբակալված «Մարիներ» լցանավի անձնակազմից ռուս քաղաքացիներին ազատ արձակելու վերաբերյալ», - նշել է նա։
Նշենք, որ հունվարի 9-ին Ռուսաստանի արտաքին գործերի նախարարության խոսնակ Մարիա Զախարովան հայտնել է, որ ԱՄՆ նախագահ Դոնալդ Թրամփը, ի պատասխան Ռուսաստանի խնդրանքի, որոշել է ազատ արձակել «Մարիներ» լցանավի անձնակազմից երկու ռուս նավաստիներին։
