Թրամփը հայտարարել է աշխարհին անհայտ և «զարմանալի» սպառազինությունների մասին
ԱՄՆ նախագահ Դոնալդ Թրամփը հայտարարել է, որ Միացյալ Նահանգները ունի սպառազինություններ, որոնց գոյության մասին աշխարհում ոչ ոք տեղեկացված չէ։ Նա այս հայտարարությունն արել է՝ մեկնաբանելով Վենեսուելայում ռազմական գործողությունների ընթացքում իբր ձայնային զենքի կիրառման վերաբերյալ շրջանառվող լուրերը։
NewsNation հեռուստաալիքին տված հարցազրույցում Թրամփը նշել է, որ ԱՄՆ-ն ունի «զարմանալի» սպառազինություններ, որոնց մասին հանրությունը տեղեկացված չէ։ Նրա խոսքով՝ գուցե ավելի ճիշտ է նման հնարավորությունների մասին չխոսել բացահայտ, սակայն դրանք իրականում գոյություն ունեն։
«Մենք ունենք զենք, որի մասին ոչ ոք չգիտի։ Հավանաբար, լավ կլիներ այդ մասին ոչ մեկին չպատմել, բայց մենք զարմանալի սպառազինություններ ունենք», - նշել է Թրամփը։
Նշված զենքի բնույթի և հնարավորությունների մասին մանրամասներ նա չի ներկայացրել:
