Իլոն Մասկը կոչ է արել չօգտվել ChatGPT-ից

Ամերիկացի ձեռնարկատեր Իլոն Մասկը կոչ է արել հրաժարվել ChatGPT չատ-բոտից օգտվելուց՝ օգտատերերի ինքնասպանությունների մասին տարածված հաղորդումների ֆոնին։

Համապատասխան գրառումը նա կատարել է X սոցիալական հարթակում՝ նշելով․ «Թույլ մի տվեք ձեր սիրելիներին օգտվել ChatGPT-ից»։

Մասկի հայտարարությունը վերաբերում էր հրապարակմանը, որտեղ նշվում էր, որ ChatGPT-ի օգտագործումը կարող է կապ ունենալ առնվազն ինը օգտատերերի մահվան դեպքերի հետ, այդ թվում՝ անչափահասների։ Նյութի համաձայն՝ հինգ դեպքում չատ-բոտի հետ շփումն հանգեցրել է ինքնասպանության։ Նշված հրապարակման մեջ, սակայն, մանրամասներ չեն ներկայացվել դեպքերի հանգամանքների, ինչպես նաև պատճառահետևանքային կապի հաստատման վերաբերյալ։ 

Հավելենք, որ ChatGPT-ն մշակվել և գործարկվել է ամերիկյան OpenAI ընկերության կողմից 2022 թվականին։