«Ամբողջ երկիրը կջնջվի երկրի երեսից»․ Թրամփը սպառնացել է Իրանին
ԱՄՆ նախագահ Դոնալդ Թրամփը լրագրողների հետ զրույցում կոշտ հայտարարություններ է արել Իրանի հասցեին՝ նշելով, որ Թեհրանի կողմից իր հասցեին հնչող սպառնալիքների շարունակման դեպքում Վաշինգտոնը կդիմի խիստ քայլերի։ Նրա խոսքով՝ Իրանը պետք է զերծ մնա ցանկացած գործողությունից, որը կարող է վնաս հասցնել իրեն կամ ԱՄՆ-ին։
Թրամփը զգուշացրել է, որ «ամբողջ երկիրը կջնջվի երկրի երեսից», եթե նրա հասցեին սպառնալիքները շարունակվեն։ Նա ընդգծել է, որ ունի հստակ հրահանգներ այն սցենարների վերաբերյալ, որոնց դեպքում «հնարավոր է կոշտ պատասխան»։
«Եթե ինչ-որ բան տեղի ունենա, ցանկացած երկիր օդ կթռչի: Ես նրանց զգուշացրել էի և շատ հստակ հրահանգներ ունեմ ` եթե ինչ-որ բան պատահի, ամբողջ երկիրը կջնջվի երկրի երեսից», - ամփոփել է Դոնալդ Թրամփը ։
Հիշեցնենք, որ անցյալ շաբաթ Իրանի Մեջլիսի խոսնակ Մոհամմադ Բաղեր Ղալիբաֆը հայտարարել է, որ Իրանը պատրաստ է Թրամփին անմոռանալի դաս տալ, եթե նա որոշի հարձակվել երկրի վրա։
