Օրբանն ընդունել է Թրամփի՝ Խաղաղության խորհրդին միանալու հրավերը
Օրբանն ընդունել է Թրամփի՝ Խաղաղության խորհրդին միանալու հրավերը։ Այս առաջարկը Բուդապեշտում մեծ պատիվ է համարվել և ընդունվել է, հայտարարել է Հունգարիայի արտաքին գործերի նախարար Պետեր Սիյարտոն։ Երկիրը բարձր է գնահատում Թրամփի խաղաղարար աշխատանքը և մեծ հույսեր է կապում նրա հետ պաղեստինա-իսրայելական ճգնաժամի լուծման հարցում։
Միևնույն ժամանակ, Իտալիայի վարչապետ Ջորջիա Մելոնին նույնպես հաստատել է Խաղաղության խորհրդին միանալու հրավերը։ «Ես կարծում եմ, որ Իտալիան կարող է կարևոր դեր խաղալ, և մենք պատրաստ ենք ներդրում ունենալ խաղաղության կառուցման գործում», - նշել է նա։
Հորդանանի թագավոր Աբդուլլահ II-ը նույնպես պաշտոնական հրավեր է ստացել՝ միանալու Խաղաղության խորհրդին։
ԱՄՆ նախագահ Դոնալդ Թրամփը նամակ է ուղարկել իր թուրք գործընկեր Ռեջեփ Թայիփ Էրդողանին՝ հրավիրելով նրան միանալ Գազայի խաղաղության խորհրդին։ Ինչպես նաև Կանադայի վարչապետը համաձայնել է միանալ Գազայի խաղաղության խորհրդին։
