Այսօր ժամը 10:00-ի դրությամբ ունենք 87048 ապահովագրական գրանցված այց. Անահիտ Ավանեսյան
Այսօրվա ժամը 10:00-ի դրությամբ մենք ունենք 87048 ապահովագրական գրանցված այց, որից ուրեմն 7739 ամբուլատոր այցեր են և 8612-ը հիվանդանոցային դեպքեր են: Այս մասին կառավարության այսօրվա նիստի ժամանակ ասել է առողջապահության նախարար Անահիտ Ավանեսյանը:
«Պետք է նշեմ, որ այս աճի տեմպը ըստ էության մեր ակնկալածի շրջանակներում է: Մենք հետևում ենք ամենօրյա թե սպասարկված դեպքերի թվին, թե նաև փաստացի առաջացած քաղաքացիների, բուժաշխատողների, բժշկական կենտրոնների վարչական անձնակազմի կողմից մեր բոլոր բարձրացված հարցերին, ընթացիկ շտկումներ ենք իրականացնում, որ համակարգը ավելի մարդակենտրոն և ավելի քիչ պրոցեսներ իր մեջ ներառող լինի, բայց ընդհանուր առմամբ, նաև այցերը և հարցումներն ու մեր քաղաքացիների հետ խոսակցությունը փաստում են, որ շատ մեծ հերթեր պոլիկլինիկայում այս պահին չունենք, լինում են պիկ ժամեր, բայց փորձառությունը ընդհանուր առմամբ դրական է»,- նշել է նա:
