Կադիրովի որդին սպառնացել է Զելենսկուն Չեչնիա բերել

Չեչնիայի ղեկավարի որդին և օգնականը, ինչպես նաև տարածաշրջանային անվտանգության խորհրդի քարտուղար Ադամ Կադիրովը խոստացել է Ուկրաինայի նախագահ Վլադիմիր Զելենսկուն Գրոզնի բերել որպես ռազմական հանցագործի: Այս մասին հաղորդում է Gazetaru-ն։

«Մենք քեզ կգտնենք ամենուր և դա միայն ժամանակի հարց է: Եվ քեզ կբերենք այստեղ՝ Գրոզնի։ Ոչ թե որպես նախագահի, այլ որպես ռազմական հանցագործի։ Եվ դու կկանգնես ոչ թե բեմին, այլ այն հողին, որը փորձում էիր վիրավորել։ Դու հեկեկալու ես ու ոռնալու, համբուրելու ես երկարաճիտ կոշիկները և ներում ես աղերսելու», - գրել է չեչեն առաջնորդի որդին։

Ադամ Կադիրովը հավելել է, որ Զելենսկու ժամանակը «շուտով կավարտվի»։ Նրա խոսքով՝ երբ դա տեղի ունենա, ուկրաինացի առաջնորդը «կզղջա ասված յուրաքանչյուր բառի համար»։