Իրանում լարված իրավիճակ է. ցուցարարներն ոչինչ չեն խնայում
Իրանի խոշոր լրատվամիջոցները մի քանի ժամ տևած դադարից հետո կրկին սկսել են հրապարակել նորություններ։ Տեղեկատվական հոսքի վերականգնումը տեղի է ունեցել երկրում շարունակվող բողոքի ցույցերի և ինտերնետ կապի խափանումների ֆոնին։
Ավելի վաղ հաղորդվել էր, որ Իրանի պաշտոնական լրատվական գործակալությունների կայքերն ու մեսենջերային հարթակները ժամանակավորապես դարձել էին անհասանելի։ Խափանումները համընկել էին հասարակական լարվածության աճի և զանգվածային բողոքի գործողությունների հետ։
Մասնավորապես, Telegram-ում ակտիվորեն աշխատող IRNA, ISNA, Nour News և Mehr գործակալությունների ալիքները, ինչպես նաև Khabar Fouri նորությունների ագրեգատորը, մի քանի ժամ շարունակ չեն թարմացրել իրենց էջերը։ Այդ ընթացքում նոր հրապարակումներ չեն հայտնվել նաև մի շարք այլ տեղեկատվական հարթակներում։
Ըստ տեղական որոշ ԶԼՄ-ների՝ Իրանում բողոքի ակցիաներն ընթանում են ավելի քան 100 քաղաքներում։ Հասանելիությունը համացանցին սահմանափակված է։ Մինչդեռ մերձիշխանական ԶԼՄ-ները ցուցադրում են, որ տարբեր քաղաքներում իրավիճակը խաղաղ է։
