Ռամզան Կադիրովի 20-ամյա որդին նշանակվեց Չեչնիայի փոխվարչապետի ժամանակավոր պաշտոնակատար
Չեչնիայի ֆիզիկական կուլտուրայի և սպորտի նախարարը և հանրապետության ղեկավար Ռամզան Կադիրովի 20-ամյա որդին՝ Ահմատ Կադիրովը, նշանակվել է Չեչնիայի փոխվարչապետի ժամանակավոր պաշտոնակատար։ Այս մասին գրել է Չեչնիայի ղեկավար Ռամզան Կադիրովը տելեգրամյան ալիքում:
Նշանակումը կատարվել է հանրապետության վարչապետ Մահոմեդ Դաուդովի առաջարկությամբ: Միևնույն ժամանակ, Չեչնիայի փոխվարչապետի պաշտոնակատար է նշանակվել նաև ազգային քաղաքականության, արտաքին հարաբերությունների, մամուլի և տեղեկատվության նախարար Ահմեդ Դուդաևը:
«Ահմատ Կադիրովը և Ահմեդ Դուդաևն ունեն կառավարման մեծ փորձ, խորը ըմբռնում իրենց կողմից վերահսկվող կոնկրետ ոլորտների վերաբերյալ և ապացուցել են իրենց որպես պատասխանատու և արդյունավետ առաջնորդներ։ Պաշտոնավարման ընթացքում նրանք նշանակալի ներդրում են ունեցել հանրապետության սոցիալ-տնտեսական ոլորտների զարգացման գործում»,- նշել է Կադիրովը։
