Վենեսուելայի նախագահը ԱՄՆ-ին առաջարակով է հանդես եկել

Վենեսուելայի նախագահի պաշտոնակատար Դելսի Ռոդրիգեսը հայտարարել է, որ երկրի համար առաջնահերթ խնդիր է ԱՄՆ-ի հետ հավասարակշռված և փոխադարձ հարգանքի վրա հիմնված հարաբերությունների հաստատումը՝ առաջարկելով Վաշինգտոնին աշխատել համատեղ համագործակցության օրակարգի շուրջ։

Ռոդրիգեսի հայտարարության մեջ նշվում է, որ Վենեսուելան կողմ է միջազգային հարաբերությունների զարգացմանը՝ հիմնված ինքնիշխան հավասարության և պետությունների ներքին գործերին չմիջամտելու սկզբունքների վրա։ Նրա խոսքով՝ հենց այդ սկզբունքներն են ուղղորդում երկրի դիվանագիտությունը ինչպես ԱՄՆ-ի, այնպես էլ տարածաշրջանի մյուս երկրների և միջազգային հանրության հետ հարաբերություններում։

«Մենք առաջնահերթ ենք համարում ԱՄՆ-ի և Վենեսուելայի, ինչպես նաև Վենեսուելայի և տարածաշրջանի երկրների միջև հավասարակշռված ու հարգալից միջազգային հարաբերությունների առաջմղումը՝ հիմնված ինքնիշխան հավասարության և չմիջամտության վրա»,- ասվում է հայտարարության մեջ։

Ռոդրիգեսը նաև առաջարկել է ԱՄՆ-ին համատեղ աշխատել համագործակցության այնպիսի օրակարգի վրա, որը միտված կլինի համատեղ զարգացմանը և կհամապատասխանի միջազգային իրավունքի նորմերին։

Նշենք, որ ավելի վաղ ԱՄՆ նախկին նախագահ Դոնալդ Թրամփը հայտարարել էր, թե Դելսի Ռոդրիգեսի հետ կարող է տեղի ունենալ իրավիճակ, որը «ավելի վատ կլինի, քան Նիկոլաս Մադուրոյի դեպքում»։