Վենեսուելայի նախագահի պաշտոնակատարը կոչով դիմել է Թրամփին

Վենեսուելայի նախագահի պաշտոնակատար Դելսի Ռոդրիգեսը դիմել է ԱՄՆ նախագահ Դոնալդ Թրամփին՝ նշելով, որ երկու երկրների և ամբողջ տարածաշրջանի ժողովուրդները արժանի են խաղաղության և երկխոսության, այլ ոչ թե պատերազմի։ Այս մասին հայտնում է «Ռիա Նովոստի»-ն:

«Նախագահ Դոնալդ Թրամփ . Մեր ժողովուրդը և մեր տարածաշրջանը արժանի են խաղաղության և երկխոսության, այլ ոչ թե պատերազմի:

Սա այն Վենեսուելան է , որին ես հավատում եմ, այն Վենեսուելան, որին ես նվիրել եմ իմ կյանքը։ Իմ երազանքն է, որ Վենեսուելան դառնա մեծ տերություն», - գրել է նա իր Telegram ալիքում։

Հիշեցնենք՝ ԱՄՆ-ն հունվարի 3-ին զանգվածային հարվածներ է հասցրել Վենեսուելային, նախագահ Մադուրոյին և նրա կնոջը՝ Սիլիա Ֆլորեսին, ձերբակալել և տեղափոխել Նյու Յորք: