Դրոշի և օրհներգի վերադարձը հաղթանակ է. Պուտին
Ռուսաստանի նախագահ Վլադիմիր Պուտինը մեծ հաղթանակ է գնահատել այն փաստը, որ ռուս պարալիմպիկ մարզիկներին վերադարձվել է միջազգային մրցումներին ազգային դրոշի ներքո և օրհներգով հանդես գալու իրավունքը։
Ռուսաստանի Պարալիմպիկ կոմիտեի (ՊԿՌ) հիմնադրման 30-ամյակի առթիվ ուղերձում Պուտինը նշել է, որ այդ ձեռքբերումը հնարավոր է դարձել կազմակերպության հետևողական և նպատակային աշխատանքի շնորհիվ։ Նրա խոսքով՝ սա ոչ միայն սպորտային, այլև խորհրդանշական կարևոր ձեռքբերում է երկրի համար։
Ռուսաստանի նախագահը ընդգծել է, որ Պարալիմպիկ կոմիտեն իրականացնում է հասարակական կարևոր առաքելություն՝ ներգրավելով առողջական սահմանափակումներ ունեցող մարդկանց սպորտի մեջ և օգնելով նրանց բացահայտել իրենց կարողություններն ու տաղանդները։
