Բայդենը ստանում է երկրի ղեկավարների շրջանում ամենաբարձր թոշակը
ԱՄՆ նախկին նախագահ Ջո Բայդենը ստանում է երկրի ղեկավարների շրջանում ամենաբարձր թոշակը: Այս մասին գրում է New York Post պարբերականը։
Հրապարակման համաձայն՝ Բայդենի տարեկան թոշակը կազմում է մոտ 417 հազար դոլար, ինչը շուրջ 17 հազար դոլարով գերազանցում է նրա նախագահական աշխատավարձը։ Թերթը նշում է, որ նման բարձր գումարը պայմանավորված է Բայդենի երկարամյա պետական ծառայությամբ։
Մասնավորապես, նախկին նախագահը թոշակային կուտակումներ է ստանում միաժամանակ մի քանի պետական կառույցներից՝ իր քաղաքական կարիերայի տարբեր փուլերի արդյունքում։ Բայդենը տարիներ շարունակ եղել է սենատոր, ապա՝ ԱՄՆ փոխնախագահ, իսկ հետո զբաղեցրել է երկրի նախագահի պաշտոնը, ինչը նրան ապահովել է առավելագույն հնարավոր կենսաթոշակային վճարներով։
