Նեթանյահուն կարող է ԱՄՆ-ից թույլտվություն խնդրել Գազայում ևս մեկ ռազմական գործողության համար․ CNN
ԱՄՆ կատարած այցի ընթացքում Իսրայելի վարչապետ Բենիամին Նեթանյահուն կարող է խնդրել ԱՄՆ նախագահ Դոնալդ Թրամփից համաձայնություն Գազայի հատվածում ևս մեկ ռազմական գործողության համար, հաղորդում է CNN-ը՝ հղում անելով իսրայելական աղբյուրներին։
«Իսրայելական աղբյուրները ենթադրում են, որ Նեթանյահուն կարող է համաձայնություն խնդրել Գազայի ներսում ևս մեկ ռազմական գործողության համար, նախքան հրադադարի ռեժիմի առաջխաղացմանը համաձայնվելը. սա կլինի ուժի վերջին ցուցադրումը՝ իր գործընկերներին բավարարելու համար, նախքան հետագա զիջումների գնալը», - հաղորդում է հեռուստաալիքը։
Աղբյուրները նշել են, որ Իսրայելի վարչապետի մոտեցումը, հավանաբար, ներառում է պայմանների համապարփակ փաթեթի մշակում. Գազայում առաջընթացը, ի թիվս այլ բաների, կապված կլինի Իրանի և Լիբանանի դեմ անվտանգության երաշխիքների հետ։
