Վարդան Ղուկասյանը պահանջով դիմել է դատախազությանը
Այն մեղադրանքը, որն առաջադրվել է Գյումրու քաղաքապետին, դատախազությունը պետք է առաջադրի նաև այդ ժամանակաշրջանում պաշտոնավարած մարզպետներին։ Այս մասին դատարանում ասել է Գյումրու քաղաքապետ Վարդան Ղուկասյանը:
«Մարզպետարանները վերահսկել են քաղաքապետարանի ամբողջ գործունեությունը և քաղաքաշինության բաժինը։ Ինչ փաստաթուղթ եղել է քաղաքապետարանում, երկրորդ օրինակը եղել է մարզպետարանում։
Նույն հոդվածով պետք է մեղադրեք նաև քաղաքաշինության նախարարին, ՏԿԵՆ և ֆինանսների նախարարներին, վերահսկողական ծառայության պետերին և վարչապետի աշխատակազմի վերահսկողության պետերին, Վերահսկիչ պալատին, որոնք տարին մի քանի անգամ ստուգել են քաղաքապետարանի գործունեությունը»,- ասել է Գյումրու քաղաքապետ Վարդան Ղուկասյանը։
