Ռուսաստանն առաջարկով դիմել է ԱՄՆ-ին

Ռուսաստանում առաջարկել են սառեցված ռուսական ակտիվներն ուղղել Գազայի հատվածի վերականգնմանը։ Այդ մասին հայտարարել է Ռուսաստանի արդյունաբերողների և ձեռնարկատերերի միության նախագահ Ալեքսանդր Շոխինը։

Նրա խոսքով՝ տեսականորեն հնարավոր է դիտարկել մի սցենար, որի դեպքում Միացյալ Նահանգները կհամոզի եվրոպական երկրներին սառեցված միջոցներն օգտագործել մարդասիրական և վերականգնողական նախագծերի համար։ Որպես օրինակ նա նշել է Գազայի հատվածում ենթակառուցվածքների վերականգնումը։

Շոխինն ընդգծել է, որ խոսքը կարող է լինել ոչ թե ուղղակի փոխանցման, այլ կոնկրետ ծրագրերի ֆինանսավորման մասին։

Հավելենք՝ ներկայումս առաջարկը քննարկման մակարդակում է և չի ուղեկցվում պաշտոնական որոշումներով կամ միջազգային համաձայնություններով։ Սառեցված ռուսական ակտիվների ճակատագիրը շարունակում է մնալ միջազգային քաղաքական օրակարգում։