ՌԴ նախագահի ուղերձն Ալիևին
Ռուսաստանի նախագահ Վլադիմիր Պուտինը շնորհավորական նամակ է հղել Իլհամ Ալիևին։ Ինչպես հաղորդում է APA-ն, նամակում ասվում է.
«Հարգելի Ադրբեջանի նախագահ Իլհամ Ալիև։
Խնդրում եմ ընդունեք իմ ամենաանկեղծ շնորհավորանքները։
Ձեր ղեկավարությամբ Ադրբեջանը մեծ հաջողությունների է հասել սոցիալական և տնտեսական ոլորտներում և հետևողականորեն ամրապնդում է իր դիրքերը միջազգային հանրությունում։
Մեր երկրների միջև հարաբերությունները հիմնված են ամուր բարեկամության, բարիդրացիության և փոխադարձ հարգանքի ավանդույթների վրա։ Վստահ եմ, որ այդ հարաբերությունները կշարունակեն զարգանալ ռազմավարական գործընկերության և դաշնակցության ոգով, որը, անկասկած, համապատասխանում է Ռուսաստանի և Ադրբեջանի ժողովուրդների շահերին»,- ասվում է ՌԴ նախագահի ուղերձում:
