ՌԴ ԱԳՆ-ն հայտարարությամբ է հանդես եկել

Ռուսաստանը և Միացյալ Նահանգները շարունակում են երկխոսությունը վերջին տարիներին առաջացած մի շարք խնդիրների լուծման շուրջ։ Այս մասին «Իզվեստիա» թերթին հայտնել է Ռուսաստանի արտաքին գործերի նախարարության Հյուսիսատլանտյան վարչության պետ Ալեքսանդր Գուսարովը։

Նրա խոսքով՝ այս գործընթացի մեկնարկային կետը փետրվարի 12-ին Ռուսաստանի և ԱՄՆ նախագահների միջև կայացած հեռախոսազրույցի ընթացքում ձեռք բերված փոխըմբռնումն էր՝ ռուս-ամերիկյան հարաբերությունների համապարփակ վերականգնման անհրաժեշտության վերաբերյալ։

Գուսարովը նշել է նաև, որ այս աշխատանքի կարևոր, թեև ոչ միակ բաղադրիչը Ռուսաստանի Դաշնության և Միացյալ Նահանգների դիվանագիտական ներկայացուցչությունների աշխատանքային պայմանների կարգավորումն է։

Նա հավելել է, որ Ռուսաստանի և Միացյալ Նահանգների միջև օդային հաղորդակցության վերականգնումը վաղուց սպասված էր։