Քաղաքականություն

Համապատասխան ձևաչափերում այդ հարցը կքննարկվի միջազգային գործընկերների հետ․ Զելենսկի

Համապատասխան ձևաչափերում այդ հարցը կքննարկվի միջազգային գործընկերների հետ․ Զելենսկի
Ուկրաինայում արձանագրվել են դեպքեր, երբ երկրի տարածքի չինական արբանյակներով իրականացված նկարահանումները ժամանակային և տարածական առումով համընկել են Ռուսաստանի կողմից իրականացված հարվածների հետ՝…

Ուկրաինայում արձանագրվել են դեպքեր, երբ երկրի տարածքի չինական արբանյակներով իրականացված նկարահանումները ժամանակային և տարածական առումով համընկել են Ռուսաստանի կողմից իրականացված հարվածների հետ՝ ուղղված էներգետիկ ենթակառուցվածքների օբյեկտներին։ Այս մասին տեղեկացրել է Ուկրաինայի նախագահ Վլադիմիր Զելենսկին իր Telegram-ի էջում։


Նրա խոսքով՝ համապատասխան տեղեկատվությունը իրեն է փոխանցել Ուկրաինայի արտաքին հետախուզության ծառայության ղեկավար Օլեգ Իվաշչենկոն։ Տվյալների համաձայն՝ վերջին շրջանում նկատվել է Ռուսաստանի և չինական որոշ կառույցների միջև շփումների ակտիվացում, որոնք տեսականորեն կարող են առնչություն ունենալ տիեզերական հետախուզական տվյալների փոխանցման հետ։


Զելենսկին նշել է, որ Ուկրաինան նման փաստերը դիտարկում է որպես գործողություններ, որոնք նպաստում են պատերազմի երկարաձգմանը և խոչընդոտում դիվանագիտական գործընթացներին։ Նրա խոսքով՝ այդ հարցը նախատեսվում է քննարկել միջազգային գործընկերների հետ համապատասխան ձևաչափերում։


Նախագահը հավելել է, որ Կիևը շարունակելու է հավաքագրել և վերլուծել տվյալները՝ իրավիճակի ամբողջական պատկերը պարզելու և գործընկերներին իրազեկելու նպատակով։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7373) Միջազգային (3219) ԱՄՆ (2278) Ռուսաստան (2085) Իրան (1732) Ընտրություններ (1271) Ուկրաինա (818) Երևան (795) Իսրայել (758) Ադրբեջան (617) Փաշինյան (558) Եվրոպա (510) Ընդդիմություն (435) Թրամփ (427) Ազգային ժողով (406)

Radio Aurora

Լսել Radio Aurora

Գովազդային տարածք

300x250