ԱՄՆ-ն արգելել է որոշ պաշտոնյաների, այդ թվում՝ ԵՄ նախկին հանձնակատարի մուտքը երկիր
ԱՄՆ պետդեպարտամենտը տեղեկացրել է, որ որոշում է կայացրել արգելել հինգ եվրոպացիների մուտքը երկիր, որոնց թվում է ԵՄ ներքին շուկայի հարցերով նախկին հանձնակատար Թիերի Բրետոնին։
Պետքարտուղարի հայտարարության համաձայն՝ նշված անձինք իրենց զբաղեցրած պաշտոններն օգտագործել են ամերիկացի գործիչների և ամերիկյան ընկերությունների դեմ ուղղված ռեպրեսիվ գրաքննության միջոցառումները խթանելու համար։
ԱՄՆ իշխանությունները Թիերի Բրետոնիին մեղադրում են խոսքի ազատությունը սահմանափակելու փորձերի կամ ամերիկյան տեխնոլոգիական խոշոր ընկերություններին չափազանց ծանր կարգավորումներով անարդարացիորեն թիրախավորելու մեջ։
Նշվում է, որ Բրետոնն ավելի վաղ հակասությունների մեջ էր մտել X սոցիալական ցանցի սեփականատեր Իլոն Մասկի հետ՝ օգտատերերի իրավունքների և անձնական տվյալների պաշտպանության վերաբերյալ եվրոպական օրենքներին ենթարկվելուց հրաժարվելու պատճառով։
Վիզային սահմանափակումները տարածվում են նաև բրիտանացի և գերմանացի իրավապաշտպանների ու փորձագետների վրա։
