ԱՄՆ հատուկ նշանակության ուժերը տեղակայվել են Վենեսուելայի մոտակայքում

ԱՄՆ-ն այս շաբաթ Կարիբյան ավազան է ուղարկել մի քանի ինքնաթիռ, որոնք տեղափոխում են հատուկ նշանակության ուժեր և ռազմական բեռներ։ Այս մասին հայտնում է The Wall Street Journal-ը։

Հրատարակության տվյալներով՝ Նյու Մեքսիկոյի Քեննոն ռազմաօդային բազայից Կարիբյան ավազան է ուղարկվել առնվազն 10 CV-22 Osprey պտտվող թևերով ինքնաթիռ, որոնք օգտագործվում են ԱՄՆ հատուկ գործողությունների ուժերի կողմից։

Բացի այդ, ըստ տեղեկությունների, Պուերտո Ռիկո են ժամանել Ֆորտ Ստյուարտ և Ֆորտ Քեմփբել ռազմական բազաներից C-17 բեռնատար ինքնաթիռներ։ Ամերիկացի պաշտոնյայի խոսքով՝ այդ ինքնաթիռները տեղափոխում էին զինվորական անձնակազմ և սարքավորումներ։

Աղբյուրը չի բացահայտել տեղափոխվող զորքերի տեսակը կամ սարքավորումների ճշգրիտ կազմը։