Մեծ Բրիտանիայում ավելի քան հազար փաբ փակել է իր դռները լեյբորիստ պատգամավորների առաջ․ Times
Մեծ Բրիտանիայի ավելի քան հազար փաբեր արդեն փակել են իրենց դռները իշխող Լեյբորիստական կուսակցության պատգամավորների համար՝ բարձր հարկերի նկատմամբ դժգոհության պատճառով, հաղորդում է Times թերթը՝ հղում անելով բոյկոտի կազմակերպիչներին։
«Ռեյչել Ռիվզի ընտրատարածքում ավելի ու ավելի շատ փաբի սեփականատերեր արգելում են ղեկավարին և Լեյբորիստական կուսակցության մյուս պատգամավորներին մուտք գործել իրենց տարածք՝ ի նշան հարկերի բարձրացման դեմ բողոքի... Ավելի քան 1000 փաբեր արգելել են Լեյբորիստական կուսակցության պատգամավորների մուտքը՝ բոյկոտի աջակցության աճից հետո։ Հայտնել է Դորսեթից փաբի սեփականատեր Էնդի Լենոքսը, որը կազմակերպում է արշավը», - գրում է պարբերականը։
Լենոքսը նաև հայտարարել է, որ հրավիրել է վարչապետ Քիր Սթարմերի սիրելի փաբի՝ Լոնդոնի Քենթիշ Թաուն թաղամասում գտնվող «Pineapple»-ի տիրոջը նունպես միանալ արշավին, սակայն վերջինս դեռևս չի պատասխանել։
Ավելի վաղ բրիտանական լրատվամիջոցները հայտնել են, որ Մեծ Բրիտանիայի բազմաթիվ փաբեր իրենց դռներն են փակում իշխող Լեյբորիստական կուսակցության պատգամավորների առջև՝ ի նշան նրանց հարկաբյուջետային քաղաքականության դեմ բողոքի։ Ինչպես հաղորդում է Daily Mail թերթը, արգելքը չի շրջանցել նաև Մեծ Բրիտանիայի ֆինանսների նախարար Ռեյչել Ռիվզին, որին արգելել են այցելել իր ընտրատարածքի փաբերից մեկը։ Մասնավորապես, հաստատության սեփականատերը նրան խորհուրդ է տվել «նույնիսկ չփորձել այնտեղ մի գավաթ գարեջուր վայելել Սուրբ ծննդյան տոների ընթացքում» և հայտարարել է, որ մնացած հյուրերը համաձայն են այդ արգելքի հետ։
