Դավիթ Բաբայանը Բաքվի դատարանում հանդես է եկել եզրափակիչ ելույթով․ դատախազությունը պահանջել է ցմահ ազատազրկում

Բաքվի զինվորական դատարանում շարունակվում է Արցախի ղեկավարների շինծու գործերով հերթական դատական նիստը՝ հայ գերիների եզրափակիչ ելույթներով։ Ադրբեջանական լրատվամիջոցների հաղորդմամբ՝ Դավիթ Բաբայանն ու Լևոն Մնացականյանը դատարանում հանդես են եկել եզրափակիչ ելույթներով։

Նշվում է, որ նրանք ներկայացրել են իրենց հակափաստարկները մեղադրանքի կողմի հայտարարություններին։

Հավելենք՝ դատախազությունը նրանց համար պահանջել է ցմահ ազատազրկում։

Ադրբեջանում տեղի է ունեցել Ստեփանակերտում ահաբեկչության և այլ հատկապես ծանր հանցագործությունների մեջ մեղադրվող Ավանեսյանի քրեական դատավարությունը։

Ըստ APA-ի՝ նիստը վարել է Գյանջայի ծանր հանցագործությունների դատարանի դատավոր Իլկին Իբիշովը։ Ավանեսյանը ցուցմունք է տվել նիստում։ Այնուհետև լսվել են քրեական գործով վկաների ցուցմունքները։ Այնուհետև ելույթ է ունեցել պետական ​​մեղադրողը։ Վերջինս միջնորդել է Կարեն Ավանեսյանին դատապարտել 18 տարվա ազատազրկման։

Դատավարությունը կվերսկսվի դեկտեմբերի 25-ին։

Հիշեցնենք, որ ըստ Ադրբեջանի Ներքին գործերի նախարաության՝ Ավանեսյանին ոստիկանության աշխատակիցները ձերբակալել են, երբ վերջինս ինքնաձիգով իբր փորձել է մոտենալ Ստեփանակերտում անցկացվող միջոցառման վայր:

Նշվում է, թե ձերբակալության պահին Ավանեսյանը զինված դիմադրություն է ցույց տվել: Պատասխան կրակի հետևանքով Ավանեսյանը ստացել է հրազենային վնասվածք և ձերբակալվել:

Նշենք, որ Արցախի նախկին ղեկավարների շինծու դատավարությունը մտել է եզրափակիչ ելույթների փուլ։