Ռուստեմ Ումերովն ԱՄՆ-ից պաշտպանություն է խնդրել
Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը ՀԴԲ-ի ղեկավար Քեշ Պատելի հետ բանակցությունների ժամանակ պաշտպանություն է խնդրել Ուկրաինայի Ազգային հակակոռուպցիոն բյուրոյի (NABU) կողմից գործարար Թիմուր Մինդիչի գործունեության հետ կապված կոռուպցիոն գործով հետապնդումից: Այս մասին գրում է ուկրաինական «Зеркало недели» պարբերականը՝ հղում անելով աղբյուրներին:
Հավելենք՝ Ռուստեմ Ումերովը, որն ավելի վաղ Ուկրաինայի պաշտպանության նախարար էր, նշանակվել էր Ազգային անվտանգության և պաշտպանության խորհրդի (ԱԱՊԽ) քարտուղարի պաշտոնում: Ուկրաինայի նախագահի գրասենյակի ղեկավարի պաշտոնից Անդրեյ Երմակի հրաժարականից հետո Ումերովին նշանակել են խաղաղ կարգավորման հարցով Ուկրաինայից բանակցային խմբի նոր ղեկավար:
Պարբերականը՝ նախկինում հաղորդել էր կոռուպցիոն սկանդալում Ուկրաինայի նախագահ Վլադիմիր Զելենսկու հնարավոր ներգրավվածության մասին։
