Ռուսաստանի, ԱՄՆ-ի և Ուկրաինայի միջև եռակողմ հանդիպման գաղափար դեռևս չկա․ Ուշակով
Մոսկվայի, Վաշինգտոնի և Կիևի ներկայացուցիչների միջև եռակողմ հանդիպում անցկացնելու նախաձեռնությունը դեռևս լուրջ քննարկման փուլում չէ և չի մշակվում։ Այս մասին լրագրողներին հայտնել է Ռուսաստանի նախագահի օգնական Յուրի Ուշակովը։
«Մինչ այժմ ոչ ոք լուրջ չի քննարկել այս նախաձեռնությունը, և այն, որքանով ես գիտեմ, չի մշակվում»,– ասել է Ռուսաստանի նախագահի օգնական Յուրի Ուշակովը։
Հավելենք՝ Մայամիում Ռուսաստանի նախագահի հատուկ ներկայացուցիչ Կիրիլ Դմիտրիևը երկկողմ բանակցություններ է վարում իր ամերիկացի գործընկերների՝ նախագահի հատուկ ներկայացուցիչ Սթիվ Վիտկոֆի և Դոնալդ Թրամփի փեսա Ջարեդ Քուշների հետ։ Բանակցությունների առաջին օրվանից հետո Դմիտրիևը քննարկումները որակել է կառուցողական։
