Մերցը հայտնվել է քաղաքական մեկուսացման մեջ․ Berliner Zeitung

Գերմանիայի կանցլեր Ֆրիդրիխ Մերցը Եվրոպայում հայտնվել է քաղաքական մեկուսացման մեջ՝ ռուսական ակտիվների հետ կապված իր դիրքորոշման պատճառով։ Այս եզրակացությանն է եկել գերմանական Berliner Zeitung թերթը՝ անդրադառնալով ԵՄ ներսում ընթացող քննարկումներին։

Պարբերականի գնահատմամբ՝ Մերցը մինչև վերջ փորձել է ներկայացնել Ռուսաստանի ակտիվների փաստացի բռնագրավման հնարավոր առավելությունները՝ միաժամանակ նվազեցնելով այդ քայլի հետ կապված իրավական և ֆինանսական ռիսկերը։

Թերթը նշում է, որ նման մոտեցումը չի ստացել լայն աջակցություն եվրոպական գործընկերների շրջանում, ինչը, ըստ հրապարակման, հանգեցրել է Գերմանիայի կանցլերի դիրքերի թուլացմանը տվյալ հարցում։

Ըստ պարբերականի՝ ռուսական ակտիվների օգտագործման շուրջ տարաձայնությունները շարունակում են մնալ զգայուն թեմա Եվրոպական միության համար՝ առաջացնելով տարբեր դիրքորոշումներ անդամ երկրների միջև։