Իրանը ձգտում է Եվրոպայի հետ ավելի սերտ կապերի. ԱԳ նախարար

Բելգիայում Իրանի նոր դեսպանի հետ հանդիպման ընթացքում Իրանի արտաքին գործերի նախարար Աբբաս Արաղչին վերահաստատել է Իրանի քաղաքականությունը՝ եվրոպական երկրների հետ հարաբերությունների ընդլայնման ուղղությամբ՝ փոխադարձ հարգանքի և ընդհանուր շահերի հիման վրա։ Այս մասին հայտնել է Tasnim News-ը։

Նախարարը կարևորել է Իրանի և Բելգիայի միջև երկկողմ հարաբերությունների պահպանման և ամրապնդման անհրաժեշտությունը, ինչպես նաև տարբեր ոլորտներում շփումների և խորհրդակցությունների ընդլայնումը։ Արաղչին ընդգծել է նաև Բելգիայի հնարավորությունների օգտագործման կարևորությունը Եվրամիության մակարդակով։

Իր հերթին, Բելգիայում Իրանի նոր դեսպանը ներկայացրել է զեկույց երկու երկրների հարաբերությունների ներկա վիճակի, ինչպես նաև Եվրամիության հետ կապված վերջին զարգացումների վերաբերյալ։