ԵԱՏՄ-ն իրական օգուտներ է բերում անդամ պետություններին․ Պուտին
ՌԴ նախագահ Վլադիմիր Պուտինը բացման խոսքով է հանդես եկել Եվրասիական բարձրագույն տնտեսական խորհրդի նիստին՝ նշելով, որ ԵԱՏՄ-ն իրական օգուտներ է բերում անդամ պետություններից յուրաքանչյուրին։
«ԵԱՏՄ-ն ամուր կերպով հաստատվել է որպես ի հայտ եկող բազմաբևեռ աշխարհի ինքնաբավ կենտրոն։ Այսօր հանդիպման ժամանակ կքննարկվեն մի շարք որոշումներ, որոնք ուղղված են միության շրջանակներում համագործակցության հետագա խորացմանը։ Միության շրջանակներում գործընկերությունը ապահովում է հինգ երկրների տնտեսական կայունությունը»,- ասել է Պուտինը։
Նրա խոսքով՝ ԵԱՏՄ շրջանակներում համագործակցության զարգացումը նպաստում է ամբողջ տարածաշրջանի տնտեսական կայունության ապահովմանը, ինչը կարևոր է անկայուն ժամանակներում։
