Պապուաշվիլին՝ Վրաստանի և ԵՄ-ի միջև «քաղաքակրթական անդունդի» մասին
Վրաստանի խորհրդարանի նախագահ Շալվա Պապուաշվիլին կոշտ հայտարարությամբ է հանդես եկել՝ անդրադառնալով Եվրամիության հետ հարաբերություններին և քննադատելով Եվրոպական խորհրդարանի աշխատանքը։
Պապուաշվիլին նշել է, որ եթե որևէ մեկին հետաքրքիր է, թե ինչպիսին է «Եվրոպայի քաղաքակրթական անդունդը», ապա պետք է դիտել Եվրոպական խորհրդարանի նիստերից մեկը։
Նրա խոսքով՝ այնտեղ կառուցողական քննարկումների փոխարեն գերակշռում է թշնամանքը:
Վրաստանի խորհրդարանի նախագահը ընդգծել է, որ նման մոտեցումը խորացնում է Վրաստանի և եվրոպական կառույցների միջև առկա տարաձայնությունները և չի նպաստում փոխադարձ հարգանքի ու հավասար երկխոսության ձևավորմանը։
