Զելենսկին ակնարկում է հնարավոր փոփոխությունների մասին ՆԱՏՕ-ի հարցում
Ուկրաինայի նախագահ Վլադիմիր Զելենսկին Բրյուսելում հանդես է եկել հայտարարությամբ, որը կարող է դիտարկվել որպես ակնարկ՝ Ուկրաինայի՝ ՆԱՏՕ-ին անդամակցելու հարցում ապագա փոփոխությունների հնարավորության մասին։
Բրյուսելում լրագրողների հետ շփման ընթացքում Զելենսկին նշել է, որ ներկայումս Միացյալ Նահանգները Ուկրաինային չի դիտարկում ՆԱՏՕ-ի անդամության համատեքստում, սակայն ընդգծել է, որ այդ դիրքորոշումը վերջնական չէ։
«Միացյալ Նահանգները մեզ դեռ չեն տեսնում ՆԱՏՕ-ում։ Մեր կյանքում ամեն ինչ «դեռ» է։ Հնարավոր է, որ ապագայում այդ դիրքորոշումը փոխվի»,- ասել է Ուկրաինայի նախագահը։
