Ուկրաինան կարող է վերանալ քարտեզից. Լուկաշենկո
Բելառուսի նախագահ Ալեքսանդր Լուկաշենկոն հերթական կոշտ հայտարարությունն է արել Ուկրաինայի և պատերազմի հեռանկարների վերաբերյալ՝ նշելով, որ ռազմական գործողությունների շարունակումը կարող է լուրջ սպառնալիք դառնալ Ուկրաինայի պետական գոյության համար։
Լուկաշենկոյի խոսքով՝ եթե Ուկրաինան կարծում է, որ ի վիճակի է հաղթել Ռուսաստանին և պատրաստ է շարունակել պատերազմը, ապա կարող է ընտրել այդ ճանապարհը։ Սակայն, նրա համոզմամբ, նման սցենարի շարունակման դեպքում երկիրը կարող է կանգնել գոյության կորստի վտանգի առաջ։
«Եթե այսպես շարունակեն պատերազմել, ապա Ուկրաինան ընդհանրապես կարող է անհետանալ քարտեզից, կարող է պարզապես դադարել գոյություն ունենալ»,- ասել է նա:
