Վազգեն Սաղաթելյանի և Նարեկ Սամսոնյանի ազատությունը սահմանափակելու ոչ մի հիմք չկար. Ռուբեն Մելիքյան
«Իմնեմնիմի»-ի առաջին գործը, ինչպես նաև այս գործն այն սակավաթիվ գործերից է, որոնք, ցավոք, ստացել են միջազգային արձգանք: Այս մասին հրավիրված ասուլիսի ժամանակ ասաց Նարեկ Սամսոնյանի փաստաբան Ռուբեն Մելիքյանը։
Մելիքյանը նշեց՝ այս գործում Եվրոպական կոնվենցիայի կետերից կեսից ավելիի խախտումներ կան. «Ակնհայտ էր, որ ոչ մի հիմք չկար անձանց ազատությունը սահմանափակելու համար։ Մենք արդեն ունեցել ենք քրեական վարույթ, որով երկու ամիս կալանավորելուց հետո, տղաների նկատմամբ ընտրվեց այլընտրանքային խափանման միջոց՝ մասնավորապես, վարչական հսկողություն։ Տղաներն ամբողջությամբ կատարել են պայմանները։ Հետևաբար, եթե մենք ունեցել ենք փորձ, որ այս միջոցն արդյունավետ է, ինչու պետք է ամենածայրահեղ խափանման միջոցը կիրառվեր»։
