Մոսկվայում կայացել է Ծառուկյան–Բուդուլաև հայացքների մենամարտը

Ռուսաստանի մայրաքաղաք Մոսկվայում կայանալիք ACBJJ 20-ի գրեփլինգի մրցաշարի մեկնարկից առաջ անցկացվել է UFC-ի թեթև քաշային կարգի դասակարգման առաջին համար, Հայաստանը ներկայացնող Արման Ծառուկյանի և ACA-ի գերթեթև քաշային կարգի նախկին չեմպիոն Մեհդի Բուդուլաևի հայացքների մենամարտը։

Ծառուկյանն ու Բուդուլաևը միմյանց դեմ կմենամարտեն դեկտեմբերի 17-ին՝ գրեփլինգի կանոններով, մինչև 80 կգ քաշային կարգում։ Այդ գոտեմարտը լինելու է մրցաշարի գլխավոր իրադարձությունը։

Նշվում է, որ Ծառուկյանը սկզբում պետք է մրցեր ACA-ի թեթև քաշային չեմպիոն, ռուսաստանցի Աբդուլ-Ազիզ Աբդուլվախաբովի հետ, սակայն վերջինս գոտեմարտից օրեր առաջ հրաժարվել է մասնակցությունից։