Մենք հիասթափված ենք․ պետք է մոռանանք այս խաղը․ Հենրիկ Մխիթարյան
Միլանի «Ինտերի» հայ կիսապաշտպան Հենրիխ Մխիթարյանը մեկնաբանել է Իտալիայի Սուպերգավաթի կիսաեզրափակչում հետխաղյա 11-մետրանոց հարվածաշարով «Բոլոնիայից» կրած պարտությունը (1-1, 2-3)։
«Իհարկե, մենք պետք է ավելի շուտ վճռեինք հանդիպման ելքը: Մենք պետք է աշխատենք այս ուղղությամբ, քանի որ նույն կերպ պարտվեցինք նաև «Ատլետիկոյի» դեմ խաղում։ Մենք հիասթափված ենք: Պետք է աշխատենք խաղի կառուցվածքի վրա, որպեսզի հանդիպումն ավելի շուտ ավարտենք՝ հաշվի առնելով, որ ստեղծում ենք այդքան շատ գոլային պահեր։
Պետք է մոռանանք այս խաղը։ Կա հիասթափություն, բայց մենք պետք է կենտրոնանանք «Ատալանտայի» դեմ խաղի վրա: Պետք է օգտագործենք մեր հնարավորությունները՝ առաջ շարժվելու համար», - Հենրիխ Մխիթարյանի խոսքերն է մեջբերում fcinter1908.it-ը։
Իտալիայի Սուպերգավաթի խաղարկության եզրափակչում «Բոլոնիան» կմրցի «Նապոլիի» հետ։ Հավելենք՝ հանդիպումը կկայանա դեկտեմբերի 22-ին՝ Երևանի ժամանակով 23:00-ին։
