Պեսկովը՝ Կիևի անվտանգության երաշխիքների հայտարարության մասին

Կրեմլը կվերլուծի Կիևի անվտանգության երաշխիքների վերաբերյալ ԵՄ առաջնորդների համատեղ հայտարարությունը միայն այն բանից հետո, երբ ծանոթանա դրա ամբողջական տեքստին։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։

Նրա խոսքով՝ այս պահին Մոսկվան տեսել է միայն լրատվամիջոցների հրապարակումները, որոնք վերաբերում են Ուկրաինայի անվտանգության երաշխիքների մասին եվրոպացի առաջնորդների հայտարարությանը, և չի պատրաստվում արձագանքել դրանց՝ առանց պաշտոնական փաստաթղթի։

«Մենք դեռևս որևէ տեքստ չենք տեսել։ Երբ տեսնենք, կվերլուծենք դրանք»,- նշել է Պեսկովը՝ պատասխանելով Կրեմլի հնարավոր գնահատականի վերաբերյալ հարցին։

Ավելի վաղ հաղորդվել էր, որ Ուկրաինայի նախագահ Վլադիմիր Զելենսկու հետ բանակցություններից հետո եվրոպացի առաջնորդները ներկայացրել են Ուկրաինայի անվտանգության երաշխիքների վեց կետից բաղկացած ծրագիր։