Էներգետիկ ոլորտին հասցված հարվածները կստիպեն Զելենսկուն ստորագրել Թրամփի «խաղաղության ծրագիրը». WP
Ուկրաինայում կոռուպցիոն սկանդալը և էներգետիկ ոլորտին հասցված հարվածները կարող են Զելենսկուն ստիպել ստորագրել Թրամփի «խաղաղության ծրագիրը»։ Այս մասին հաղորդել է Washington Post-ը՝ հղում անելով եվրոպացի բարձրաստիճան դիվանագետի։
Նրա խոսքով՝ «այս ներքին խոցելիությունը (Երմակի հրաժարականի շուրջ կոռուպցիոն սկանդալը), ինչպես նաև Ուկրաինայի էներգետիկ ենթակառուցվածքների վրա Ռուսաստանի ցավոտ հարձակումները, որոնք Կիևին և այլ քաղաքներին ավելի երկար են պահում մթության և ցրտի մեջ, կարող են Զելենսկուն ավելի պատրաստակամ դարձնել գործարք կնքելու համար»։
«Ես իսկապես հավատում եմ, որ Կիևը երբեք այսքան լուրջ չի եղել, որքան հիմա է։ Եվ ինչ-ինչ պատճառներով, թվում է, թե սա կապված է այս ամբողջ կոռուպցիոն սկանդալի և բոլոր ներքին խառնաշփոթի հետ», - ասել է դիվանագետը։
