Իրանի ԱԳՆ ներկայացուցիչը դատապարտել է Ավստրալիայում տեղի ունեցած ահաբեկչական հարձակումը

Իրանի ԱԳՆ ներկայացուցիչ Էսմայիլ Բաղային դատապարտել է այսօր Ավստրալիայում տեղի ունեցած ահաբեկչական հարձակումը։

«Մենք դատապարտում ենք Սիդնեյում (Ավստրալիա) տեղի ունեցած դաժան հարձակումը։ Ահաբեկչությունը և մարդկանց սպանությունները, որտեղ էլ որ դրանք տեղի ունենան, մերժվում և դատապարտվում են»,- գրել է Բաղային X-ի իր էջում։

Հիշեցնենք, որ Սիդնեյի Բոնդի լողափում երկու զինված անձանց կողմից հրաձգության հետևանքով զոհվել է 12 մարդ։

Մոտ 30 մարդ ստացել է վնասվածքներ։ Զոհվածների և վիրավորների թվում կան նաև երեխաներ։ Ըստ լրատվամիջոցների, հարձակումը տեղի է ունեցել այն ժամանակ, երբ մոտ 100 մարդ հավաքվել էր լողափում՝ նշելու հրեական Հանուկայի տոնը։

Ավելի վաղ, հայտնել էինք, որ Մեծ Բրիտանիայի վարչապետից պահանջում են ջնջել հրեական տոնի մասին գրառումը՝ կրակոցներից հետո։