Եթե ամերիկացիները հրաժարվեն՝ սրացումն անխուսափելի է․ Լուկաշենկո
Եթե ամերիկացիները հրաժարվեն Ուկրաինայում հակամարտությունը լուծելու իրենց փորձերից, սրացումը անխուսափելի է, հայտարարել է Բելառուսի նախագահ Ալեքսանդր Լուկաշենկոն։
Լուկաշենկոն հարցազրույց է տվել ամերիկյան Newsmax TV հեռուստաալիքին, որը վարել է Գրետա Քոնվեյ Վան Սուսթերենը։
«Եթե ամերիկացիները հրաժարվեն այս հակամարտությունը լուծելու փորձից, սրացումը անխուսափելի է», - պատասխանել է Լուկաշենկոն այն հարցին, թե երբ կկարգավորվի Ուկրաինայում հակամարտությունը։
Ավելի վաղ հայտնել էինք, որ Միացյալ Նահանգները մտադիր է վերացնել բելառուսական կալիում արտադրողների նկատմամբ կիրառված պատժամիջոցները, ինչը դիտարկվում է որպես Վաշինգտոնի և Մինսկի միջև հարաբերությունների հնարավոր ջերմացման հերթական ազդակ։ Այդ մասին հաղորդել է Associated Press-ը։
