Շարա Բուլետը խոսել է Երևանում Արման Ծառուկյանի հետ կայանալիք գոտեմարտի մասին
UFC-ի միջին քաշային կարգի ռուսաստանցի մարտիկ Շարա Բուլետը (Շարաբուտդին Մագոմեդով) կիսվել է Արման Ծառուկյանի դեմ գրեփլինգի մրցամարտի մասին իր սպասելիքներով։
«Ես մտածում էի, թե սա թիավարության մրցաշար է, որտեղ ծովահեններն անմրցակից են։ Բայց ինձ ասացին. «Ոչ, եղբայր, սա գրեփլինգ է»։ Ծովահենը կարող է սուզվել ամենամութ ջրերը՝ կորած ոսկու հետևից, բայց դրա համար նախ պետք է հաղթահարի Արմանի դեմքով շնաձկանը»։
31-ամյա Շարա Բուլետը MMA-ում ունի 20 հաղթանակ և 1 պարտություն: Վերջին անգամ մենամարտել է հուլիսի 26-ին՝ մրցավարների միաձայն որոշմամբ հաղթելով Մարկ-Անդրե Բարիոյին։
Արման Ծառուկյանը խառը մենամարտերում գրանցել է 23 հաղթանակ և 3 պարտություն։ Նոյեմբերի 22-ին նա տպավորիչ հաղթանակ տարավ Դեն Հուկերի նկատմամբ՝ երկրորդ ռաունդում կիրառելով խեղդող հնարք։
Հիշեցնենք, որ մենամարտը նախատեսված է դեկտեմբերի 30-ին Երևանում։
